母．飯聚

晚上約了家人, 清文姨和傑仔外出吃飯預祝母親節, 已經有好幾年沒有見過傑仔了, 今天一見已經長得好高好高, 因為他是籃球校隊的, 而且生得青靚白淨 (他已經有女朋友嚕~), 幾GOOD!

不過席間清文姨好勞氣, 勞氣都是因為傑仔的女朋友的性格行為 (他們都已經住在一起, 可是他們只是今年的會考生哩!), 說她在家裡住著又不幫忙做家務, 清文姨每晚放工回來都很晚, 累到都不能做; 又不懂煮飯, 常常叫外賣; 傑仔有次練球回來肚餓, 叫她煮個麵給傑仔吃, 但她都可以話不煮架囉, 我聽到都覺得好有問題, 煮個麵o者, 又唔係叫你去打仗, 咁都咁困難? 好啦...她去煮喇, 傑仔想話加多兩隻蛋, 她卻說: 我淨係煮麵咋喎, 要食蛋你自己整啦。嘩! 好過分囉! 但傑仔又非常疼他女朋友, 又買貴錶又買名牌衣服給她, 清文姨說傑仔都未曾送過這些給她, 說時又係勞氣非常, 傑仔索性擰轉身看電視。

其實別人的事我都不應說太多, 不過我還是第一次聽到有這種女孩子, 完全不懂世故, 有份住在同一間屋裡, 就應該有責任去為家裡出一分力, 不要因為不是你的家就不用做, 亦不要別人開到聲鬧你才懂做, 我相信一個十六, 七歲的女孩子也懂自動自覺這回事啊?

一直吃到九時多便結帳離開, 今天的晚餐好豐富啊, 預祝母親節快樂!