2009年...

年初寫過一篇新年新願望

2009年, 我希望
＊ 順利畢業, 我都不想做懶蟲。[已經畢業, 讀緊high dip]
＊ 依然想結識鬼人囉。[唉...........................]
＊ 真真正正學一樣自己有興趣的東西, 說了好幾年, 今年一定要實現。[唉..............................]
＊ 可以去上海未啊!? [本來差點可以成行]
＊ 再看多些電影。(這也算是願望嗎??????) [每個月總會看一兩次]
＊ 所有我認識的朋友仔身體健康, 身體好自然有拼勁做事 yeah!

已經寫到不知可以寫什麼。

目標失去, 唯有將精神心機寄託到攝影上, 相機買了大半年都還未太懂得操作, 好失敗。

You know you're in love when you keep thinking about him all the time, checking the e-mail inbox just wanna know if he send you an e-mail or not, imagining about the "future". You just can't focus on everything.

幾句

＊昨晚追看True Blood, 凌晨三點才去睡覺。

＊我又覺得Eric 比 Bill 型十萬倍。

＊前晚追看Ugly Betty 至兩點半才去睡覺, 但昨天我卻鬼打都無咁精神, 一點都不覺得睏!

＊但今朝我是極度不願起床, 所以一朝早勁燥底!

＊今晚要返學啊....................................

今個秋冬很窩釘

自從破產後我都沒有周圍逛, 今晚趁著還有少少時間去看舞台劇前, 便到了ZARA 走一轉。嘩! 呢一轉大件事喇! 好像幾年沒有逛過一樣, 樣樣都想買, 好彩我無帶張會累死(!)我的信用卡出去。

然而我發現今季ZARA 的衣款鞋款袋款都好窩釘囉! 隨手挑一件都有窩釘點綴, 咩事呢? 這令我想起先前JIMMY CHOO X H&M 那個crossover 好像有些東東都是有窩釘的。OK! 咁我今個冬天知點做啦!

另外, 尋覓多時的合心意西裝褸終於找到! 好感動! 等我下個月去敗回來。

寫信是一種藝術

剛看完<<情信>>回家, 要立即寫下感想, 我怕我會忘記。

糊塗戲班過往的舞台劇都是熱熱鬧鬧的, 今次以悲慘愛情故事作骨幹。整套舞台劇以男女主角朗讀書信為主, 肢體活動較少, 這我可專心分析(!)對白。

由小時候相識開始寫信到女主角小曼死的一刻都在寫, 小曼一直都不喜歡寫信, 可是男主角阿南卻很喜歡寫信, 每當小曼說不想寫信要求以講電話來代替寫信, 阿南總會勸服小曼。劇中有句對白是這樣的: 「寫信是一種藝術」。這句一直在我腦中揮之不去, 曾幾何時我也常常寫信, 都是小學時寫給表姐的, 一封封的來來往往, 收信那一刻會很興奮, 好想立刻拆來讀。這習慣維持到初中已經停止了, 原因是人大了就變懶(!), 而且已經寫到不知再寫什麼。

現今科技先進, 電話、短訊、視像會議以及電郵, 一按制就能把訊息傳出去, 還會有人認真地寫一封信嗎?

劇尾阿南終於道出對小曼的真正感覺, 原來除了我看到喊之外還有其他感情澎湃的人都喊到"索索聲", 更加有人拿出紙巾出來, 我可沒有那種膽量, 我怕被人知道! 阿南的聲演, 更令在場的每一位演員包括他自己都落淚, 鋼琴伴奏的張貝琳更在最後一首歌是哭著來唱, 這表示阿南(陳文剛演) 的演出真真切切帶動到那種悲傷。再說一次, 我真的好喜歡魏綺珊啊! 做女主播又得, 演戲亦得, 我好好好好好好好喜歡她!

期待12月的<<爆谷殺人狂>>! 又, 如果<<情信>>重演, 我一定會再看的。

始終都是媽媽好

星期一晚放學回家後家裡的人都睡了, 我走到廚房想把媽媽留給我的飯菜煮熱, 一開蓋才發現媽媽已預先把菜煮熱, 還把湯都給煮熱。最令我感動是, 她將梨切好後放到碗裡, 好讓我食飽飲飽後有生果吃, 好warm。

結果那晚我頂著個大肚腩去沖涼。嗯, 估計有三個月了。

求婚的惡魔 The Proposal

我真心覺得好好笑! 友人說將此片與「What Happens In Vegas」比較覺得後片"笑料"多點, 我又不認同喎。The Proposal 的"笑料"是有故事的"笑料", 比起有些喜劇的"笑料"順得多。

其實The Proposal 跟03年一套「How to Lose a Guy in 10 Days」劇情差不多, 都是女主角跟男主角回老家後發覺彼此認識加深感情大躍進。有興奮可重看這套電影。

近況

嘩! 原來對一篇blog 是7月5號寫的.......................咩事呢我??!

好! 等我將這兩個月發生的大事簡略地說出。

4/7 - 長沙灣屠房攝影日, 爬牆出入, 成腳虱咬, 不過仲有人嚴重過我。:P

7/7 - 全港中學中一派位結果, 我弟竟派到第二志願, 收到派位證後登時晴天霹靂!!!! 你會問: 喂! 派到第二志願唔好咩? 問題是, 當我去了第一和第二志願交入學表格時才知第二志願差到無朋友! 唉, 我還盡信網上那些粉人所說的。band 3學校, 校風差, 學生更加不用說。

灰爆。咁呢, 我又覺得我弟一定會派回第一志願啦, 直屬中學喎, 況且於第二次的電腦派位表格上已將那間學校填到好後, 所以一直以來都沒有什樣擔心過。

直至收到派位證後大家都呆了, 於時立即回家把成績表啊, 證書啊, 獎狀啊...統統都拿出來複印了好幾份。又要在家等校長寫兩封珍貴的推薦信, 老實說, 真的要親身經歷, 你才會知道等待的痛苦。

當天拿著複印本及兩封推薦信去叩門, 第一間有推薦信的學校已經派! 完! 表! 格! 又急急腳到第二間, 點知人家學校有午膳時間, 唯有一個小時後再來。好彩, 第二間學校還接受收生。

除了到過兩間有推薦信的學校外, 還到過好幾間叩門。我成世女都未試過一日坐幾次的士。

8/7 - 還要去叩門, 當中有些學校有即場面試或考試。有一間還有兩次面試的機會, 能通過第一次面試便可進入第二輪, 但第二輪要求家長一起面試。wooooo 十萬個緊張! 我感覺有點像見工。辛苦一整天還是未有結果.................

10/7 - 擔心了兩天, 還未有一間學校打電話, 今天是最後一天登記入學。終於細佬打來告知第二間有推薦信學校收了他!!!!!!!!!!!!!! 我開心到喊, 鬆一口氣。我深深感受到那種中一派位中五會考放榜要周圍叩門的辛酸。

20/7 - IVE 收了我讀工商管理, 我又讀書了。

22/7 - 跟劉小姐見面, 7個月了, 個肚好大, 個肚臍好突, 我成日忍不住手去摸她的肚。當時我們在閒聊, 說起當年我倆做暑期工仲要是通頂個隻, 工作就是把樓盤資料放入那些懶精美的信封內。

劉小姐: 其實個時都幾好喎, 一晚就賺到二佰蚊, 都係坐係度之嘛, 幾好搵。
我: 下! 咁我寧願去做雞喇 (!!!!!!!!!!!!!!!) 你做雞起碼都可以郁下 (!), 唔使咁悶。
劉小姐: (狂笑及說要跟我媽媽告狀)

25/7 - 書展血拼日, 我買了十本書, 好滿足。

26/7 - aupoooooo 慶生日, 去了唱k, YEAH! 我唱歌真係好難聽!

1/8 - 去了逛街, 買了2件衫, 1套bikini。

16/8 - 敗了$1470 的skincare, 我正式宣佈破產。

i know its tooo late....

R.I.P MJ

音樂常在

Taylor Swift 真的好sweet 哦! 超級喜歡她, 全隻CD 的歌都好好聽, 人又sweet 歌詞又sweet。熱烈推介!

錯過了 04年的 American Idiot, 等足5年先再推出21st Century Breakdown, 一定要買。

嗯, 都不錯。

色迷‧謎 Diary of a Sex Addict

本來想睇又唔睇但睇完人家的blog 後又心思思想去睇。

故事說女主角自初嘗禁果後終日沉迷下去, 甚至認為交男朋友是要先上床後才可交。及後終於肯為一個需不能滿足她慾望的男人安頓下來, 但慢慢這男人的佔用慾愈來愈強, 亦有暴力傾向, 女主角選擇離開。女主角後來去當妓女, 希望透過每位客人去探索自己的人生, 生活。

戲中有這一段對白: 「寫日記的人都是寂寞的，希望死後有人將他們的日記公開，發現原來他們跟自己認識的不一樣。」

well, 最終女主角發覺, 性依然都是她快樂的泉源, OK 明白哂!

值得看的一套電影。

Black Ice 誰和誰和誰有路

愈睇愈驚, 好驚年輕女學生發現和她親密的女醫生就是她男朋友的老婆, 然後可能會有撕殺場面。

答案是沒有的, 只有女醫生替女學生界開個肚個幾下鏡頭 (其實係剖腹生bb)。

其實我覺得個男人都不太像樣啦, 兩個女人爭什麼, 搵都搵過好d 架啦!

Clinique 暗瘡產品 - 用後感

前陣子被暗瘡問題困擾, 雖然間中會有, 但上次是左邊出幾粒後輪到右邊出幾粒, 相信你們不想我形容那些暗瘡是什樣的。灰到我死。

試過最左面兩支分別潔膚泡沫霜及潔膚水, 潔膚泡沫霜需擠兩次才夠用, 用後臉部不會太緊, 很清爽。潔膚水則必須配合棉花球來用, 千萬不要用棉片, 忘了原因了, 塗勻全臉後感覺很乾淨, 而且亦可看到棉花球有少許黑, 那位小姐告訴我這是臉上的殘留物。

用了幾個月, uhhhh 對我的暗瘡問題不太有效, 可能我面上的是變種暗瘡。唉, 灰死, 死左。

當初我只買了潔膚泡沫霜, 潔膚水和定位修護啫喱, 後來我再到第二間分店購買潔膚水時那位貌似韓國女人的小姐告訴我這個系列的產品是3-step, 除了潔膚泡沫霜和潔膚水之外, 亦要配合那支清爽控油補濕乳使用。妖, 咁點解當我第一次買時唔話我知!? 所以呢, 我懷疑可能真的要加埋支清爽控油補濕乳一齊用才有效。

上次買潔膚水時順手買了新出的控油潔膚面, 陶土式面膜, 用過幾次後學精要塗薄一點, 五分鐘後用溫水清洗乾淨。廢既! 完全廢既呢支野, 我真係唔覺得佢令到暗瘡走。

講完!

五個理由

好! 我要說出五個令自己不買那條深藍色背心one-piece 的理由。

1. 係, 條one-piece 著落真係有幾分blair 的影子, 但我本身唔係blair, 為乜呢?!
2. 你已經窮途末路, 收手把啦。
3. 個衣櫃已經比你塞到爆, 再買我唔擔保你度門關得埋。
4. 都話明要行可愛路線, 著得條one-piece 又要著對high-heels, 到時咪淚在心裡流呀!
5. 你依家只可以用錢o係有需要既物品上, 何謂有需要呢? 即護膚品, 內衣褲, 訓覺衫褲...最重要係儲錢交學費。

well...都好似打擊唔到我內心既心魔喎...........

我真係犯賤。

The Yellow Handkerchief 幸福黃手絹

當初選這套電影是因為Kristen Stewart, 自從看完Twilight 後已經超喜歡她, 冰冷的外表令人覺得她好神秘。

故事是說Martine (Kristen Stewart), Gordy (Eddie Redmayne) 和 Brett (William Hurt) 三個互不認識的人在road trip 上重新認識自己和目標理想, 當中的過程令人發人深省。

不知什樣說, 總之這套戲令我覺得好感動, 即使Brett 當初這樣對他的妻子, 他妻子依然對他不離不棄。當中有一幕是艇上周圍掛上黃色手絹, 為的是有一天Brett 回來可以看到, 我忍不住流下眼淚。

美中不足是, Kristen Stewart沒有跟隨導演及男主角來香港!

目標: 夏天篇

好! 要訂下好些目標, 等自己過得充實點。

1. 我要努力學好農夫首 "愛似林一峰", 我決定每次去唱k 都要唱呢首!

2. 上年曬唔黑, 今年要曬黑!

3. 就算無左邊個model 既身形我都唔想因為個肚臍大到遮住左而望唔到我對大脾!

4. 要謹慎搵一個好既紋身師傅! 點解呢? 因為師傅既手勢好重要, 紋得差可能會令我傷口發炎或者個圖案差, 而且最最最重要係佢d 工具, 千萬要消毒清潔好yeah! 我曾經到過Joey Pang 既網站瀏覽過, 只是傾談設計紋身都要HK$1000/1 hour!!!!!!!!!!!!!!!!! 好灰, 決定放棄找她。有沒有人有好的紋身師傅介紹?

"我第一眼見到你就好似o係天堂遇到天使"

今日有兩個人同我示愛, 第一個好驚嚇, 第二個更加驚嚇。

when i say someone likes me, it doesnt really mean it.

敗癮起

Taylor Swift in Fairytale skirt by French Connection.

what do you guys think?

£55, 計過要港幣$640元, OK貴啊。

我知, 我知我講過我要行可愛路線, 但Taylor Swift 只有19 歲! 好可愛啊佢呢套outfit :)

唔知香港有無呢條裙賣呢?

近況

yeah 返工, 返學, 看電影, 研究新相機點用囉。

返工: 我死硬, 幾個月的東東還未filling。

返學: 再不開始做功課我怕畢唔到業。

看電影: 前陣子像瘋了, 差不多每有電影上映都會跑去看。電影節的電影都看了好幾套, 有機會寫。請問每年電影節用信用卡預購戲票都是CITIBANK 的嗎???

新相機: 妖, 有時拍不到我想要的效果我會好忟。

對話

媽: 頭先你返黎有無落雨呀?
chocly: 有呀, 不過好少囉...少到感覺唔到。

Confessions of a Shopaholic 潮拜購物狂

又是一套改編小說的電影, 原著在美國大受歡迎, 我嘗試去看這本書, 但我最怕看英文多到嘔的書(除了功課和工作上的文件)。

嘩! 男主角Luke (Hugh Dancy) sexy 到呢....無話可說, 再加上他那濃厚的英國口音, 又把我殺死了! OK 到底我還會被殺死幾多次??

因為不想上堂, 所以逃學去看這套電影。笑過後又會再想起電影中的情節, 我都想好似女主角Rebecca (Isla Fisher) 一樣死好命, 爭人周身卡數都可以著靚衫但又好彩有份工仲要結識埋靚仔上司Luke, 夫復何求呢?

Revolutionary Road 浮生路

有沒有發覺最近有很多改編自小說的電影上畫? 我沒有看過Revolutionary Road 的原著小說, 只看過電影。

一對年輕夫婦生活了幾年, 開始厭倦目前的生活。一日, 妻子April (Kate Winslet) 向丈夫Frank (Leonardo DiCaprio) 提議舉家搬到巴黎生活去。April 在政府機構當祕書, 好讓Frank 可以做他喜歡的藝術工作。一切看似美好, 但距離起行到巴黎的時間愈來愈近, 兩人的關係亦慢慢差。

兩人的內心戲太多, 而且好多時都是歇撕底理的場面, 吵到我覺得有點煩。兩人突然的決定令好友覺得驚訝, 覺得他們太衝動沒有想清楚, 但只有包租婆的精神有問題的兒子John 明白他們, 亦因為這樣他們亦覺得那時只有John 一個知道他們所想所做的。

戲中John 說過一句對白: 「要住大屋可以有安樂茶飯食就要做一份你不願意做的工。」

對, 他說得對。

Leonardo DiCaprio 已不及當年在Titanic 中的俊俏, 有的是肥同中年男人的感覺, 可惜可惜。而Kate Winslet 則多了一份女人味, 我很喜歡她, 喜歡她的美, 喜歡她的英國口音, 喜歡她的演技。

結局不多說了, 只覺得好可惜, 這是一套sad movie。

Bride Wars 新娘愛鬥大

因為Anne Hathaway和 Kate Hudson 加上喜歡看愛情輕鬆喜劇才會選擇入戲院看。故事由兩個自少是好朋友的Emma (Anne) 和 Liv (Kate) 在Plaza Hotel 遇到一場婚禮開始, 從那一刻起她倆決定她們的婚禮要在Plaza Hotel 舉行, 但因為一些人為意外而導致她們的婚禮在同一天舉行, 但場地只得一個, 甚麼辦呢?? 這就是故事正正要說出的。

當中大家死鬥爛鬥的情節確是令人覺得好笑, 但我同時也在想, 如果我跟好友決定將來會在同一地方舉行婚禮但陰差陽錯卻在同一天舉行, 我又會什樣呢? well 這一刻不能答實你, 將來的事無人會知, 到時先算囉。

電影後段是Emma 發現她的未婚夫原來不是她的最愛, 決定跟他分開; 而Liv 則開開心心的結婚。戲中說到Liv 從小就要當第一, 做任何事都不許失敗。其實人生在世, 爭什麼呢!!? 好好享受每一刻不就是件開心事嗎? 我最怕把事情弄得複雜, 我人很簡單, 也沒有半點爭上位(又或者什麼都爭一餐)的心。我慶幸自己身在一個無是無非無陰濕小人的地方做事, 我應該感恩。

男友戒條

我無男朋友, 但寫下這些希望他日後看到後可以清楚我心意。

1. 係呀, 我係form 5 畢業, 但我都好有上進心, 會繼續進修讀書學野, 所以我希望你都一樣。
2. 我份人真係好蠢, 講野唔該直接一點, 唔好轉彎抹角。
3. 大家都有正常既男女朋友, 但朋友還朋友, 當你覺得有女仔(或者男仔)對你的行為有點過火, 你要直接了當咁拒絕佢同埋話我知, 等我遲下係佢面前同你再親密點。
4. 得架喇, 我膊頭無問題, 唔使幫我拎袋。係酸軟左d 囉....
5. 我覺得出街由男方付錢很正常, 但間唔中一兩次由我付無所謂。
6. 我唔會問埋d 無聊問題, 例如你有幾愛我? 愛我既程度有幾多? 呢d 野一係就唔愛, 一愛就唔該全情投入, 免得阻住大家時間。
7. 我會為左你好好打扮自己, 等你班朋友覺得你有個識打扮既女朋友。
8. 我返工會好斯文成熟女人, 但我放假又會唔理身世。
9. 有時我會戴蝴蝶結headband, 千其唔好覺得我低b, 只因睇過Gossip Girl 入面Blair Waldorf 既打扮後我都想好似佢咁。
10. 電腦電視水電電話樣樣都要識d, 我唔想下下要出街搵人整。
11. 我知我唔係angelababy, janice man, 翻版樂基兒, 諸葛梓歧....所以你唔使讚我靚, 諗過第二樣唔該。
12. 可唔可以唔好淨係生日聖誕紀念日情人情先送禮物, 簡唔中送下小禮物我都會開心上一日。
13. 我唔開心希望你可以關心我安慰我做我既心理專家, 我唔想自己一個人去諗。
14. 我開心會即時話你知希望你同我一樣咁開心。
15. 所以你都要同我一樣呀。
16. 我會聽你話, 但唔合理既要求我唔會妥協。
17. 我唔會check 你來電, sms, msn記錄亦希望你同我一樣。
18. 即使拍拖都可以有個人空間, 你要出街踢波打波游水同朋友行街睇戲我唔會死都跟埋去, 除非你開口叫到。
19. 大家有咩都拎出黎傾, 唔好收埋收埋, 咁只會令問題愈來愈嚴重。
20. 我緊張你係因為我愛你, 唔好覺得我煩。
21. 其實我幾好影相, 所以你要幫我影相。但我唔係個d 高炒碌大眼嘟咀'V'字手勢個d 喎, 請參考Chiara Ferragni
22. 我鍾意影相睇戲睇展覽行HMV行書店, 希望你都可以陪我一齊去唔好嫌無癮。
23. 我唔介意陪你周圍去睇你鍾意睇既野, 我好順得人。
24. 我會帶埋你一齊去買內衣褲係因為我想你都幫手揀下, 你都有份睇架!
25. 我去shopping 買野既時候會想你比意見, 唔好一碌木咁企係度玩你部電話。
26. 煮飯洗碗掃地掠衫摺衫洗廁所我唔介意做, 但唔好當正我係阿四。
27. 我最憎食魚, 凡係比魚掂過既食物都唔會食。如果係要食魚自己整, 想飲魚湯自己去買"濃湯寶"煲。
28. 有時帶我去d 稍為高級的餐廳食飯我會好開心, 因為你真正喜歡我所以願意花費金錢在我身上。
29. 係我揀好戰利品後你要快我一步拎出cash/credit card 出黎比錢。
30. 我應承過你的事我會盡量做好, 例如我答應你12點前返到屋企我就一定會做得到。
31. 就算你無古巨基既假音; 莫華倫既男高音或者陳奕迅把聲咁厚都唔緊要, 我想我男朋友每日都唱情歌比我聽, 我會甜到入心。
32. 幾忙都好, keep 下 fit 丫唔該, 我唔想帶個肥仔出街。
33. 如果我唔想make out 既話唔好迫我, 咁樣大家會好無癮。
34. 我單親家庭架, 好希望男朋友既家庭係一個完美既家, 等我可以感受下父愛。
35. 我會盡量做好女朋友既職責。
36. 放心, 我無興趣做d 咩gel 甲呀咩咩咩個d, 所以家頭細務我做得來。
37. 若然往後日子我想係我身體上加d 野我希望你支持我而唔係打激我鬧我不知所謂。
38. 我唔化妝個樣已經比人話我似"上左粉"同"似未訓醒咁", 你無介意, 愛係包容一切。
39. 我唔識既野會問到底, 你要答我答我同答我。
40. 我比較歡喜男人專注事業, 但唔可以完全唔理我, 我會好唔開心亂諗野。
41. 我係鍾意clubbing, 但我唔會亂向人扔媚眼, 因為我已經有你。
42. 我鍾意clubbing 唔代表你可以去clubbing, 我費時有d 姣婆同我爭食呀。
43. 我地未必會一生一世, 情到濃時我係唔會影閃卡。
44. 只要我們轟轟烈烈愛過, 就算到最後分開了, 回憶依然在心中。
45. 我唔介意你食煙飲酒睇AV, 但唔好吸毒, 我會好心痛。
46. 我唔介意你目及女仔, 正如我都會目及男仔一樣, well 大家一齊分享囉。
47. 我鍾意自己男朋友打扮有個性, 風格。
48. 我既志願係做一個家庭主婦, 在家相夫教子。入得廚房, 出得廳堂。
49. 如果你真係要娶我, 求婚可唔可以浪漫同有創意。
50. 有目標理想上進心顧家鍾意小朋友既男仔會係我結婚對象。

唔知幾時遇到呢?

經常性無錢的原因

OK 這些年來都沒有儲到一點錢, 有以下原因:

1. (又係講呢樣) 自第一次交了學費後銀行只餘下數佰元。
2. 之後開始供基金, 個個月交仟多元。(結果一場金融風暴搞到依家個個月蝕到仆街)
3. 份糧已經不算多, 每個月比家用供基金, 仲有多少呢?!
4. 一個月流流長, "多少" 可以捱到幾耐呢? 答案是: 只要我死慳死抵都可以嘗試捱到接近月尾。
5. well 我相信就是這個原因, 所以我一直都儲不到錢。
6. 直到今時今日, 2009年了!!! 6月都畢業了!!! 兩年的讀書生涯還是儲不了丁點兒錢。
7. 我真的好失敗。人生是灰色的。

好! 最近申請了信用卡, 大家是否覺得我不識死呢? 我都覺。大家放長雙眼看我每個月點死法吧!

近況

最近覺得心灰意冷, 原來有很多事情跟你想像中的不一樣。或者我太天真, 一切一切都想得太美好; 又或者身邊的事物人大都看似很美, 但看深一層又發覺不同。

我開始覺得身心很疲累, 我想將現在擁有的事都放下, 離開這個煩厭的城市。但想還想, 這是一個逃避責任的行為, 事情總要面對, 不是離開一段時間就可以解決的。唉, 我明白的。

所以呢, 我學會了幾件事:
1. 世界上最難服侍的人是: 你老細。
2. 世界上說話反口覆舌, 神又是他, 鬼又是他的人是: 你老細。
3. 無論表面有多華麗又或者有多平凡也好, 大多都是壞的。
4. 被人利用都沒能力作出反擊, 因為別人已比你快行動。

其實有好多好多日記都想寫, 但無心機寫, 回到家後都很累, 最多我再比多二萬分努力去寫啦。

依家好眼訓, 聽日再寫!

The Curious Case of Benjamin Button 奇幻逆緣

電影一開始以一個製造鐘的男人為紀念自己的兒子戰死沙場而造出一個逆時針走動的大鐘, 好比喻Benjamin Button 的一生。

全片166分鐘長, 我竟然一點都沒有覺得坐到腰骨痛。如果你問我覺得電影如何, 我會答: 好睇! 好睇是因為戲中的化妝真的出神入化 (我當時在想到底Brad Pitt如何由小童身形慢慢變成大人的身形呢? 後來我才知道是由幾個演員去扮演的, 好低能); 故事很令人反思, 有時候我也很愛看一些令人反思的電影。有人說奇幻逆緣跟阿甘正傳故事骨幹差不多, 都是因為女主角失去了某樣東西才回到男主角的身邊, 我沒有看過阿甘正傳, 不知道實質感覺是如何。

Cate Blanchett 在戲中扮演芭蕾舞者, 我相信因為她我才開始喜歡看芭蕾舞, 她做旋轉的動作很美妙, 令我後悔小學時放棄學芭蕾舞, 不過我都做不到一字馬 :P

有網友說不明白為什麼那個逆時針走動的大鐘會在片尾出現, 它當時被人放在一個basement (ok 我不知道那是不是basement, 總之是放雜物的地方啦)。我自己就覺得Benjamin Button 已經離世, 等同大鐘也應該退下來, 它沒有被人拋掉, 只是存放在basement 內, 有如Daisy 的女兒Caroline 會好好收藏Benjamin 的日記一樣。

這套電影新年時已看了, 拖到今時今日才寫感想, 又拖成幾粒鐘去寫。無呀, 寫寫下又去睇電視囉。

幾項

oh yeah 我最喜歡用point form 寫日記, 不用寫太多又可以寫多幾樣不同的事。

＊ 最近看了好多電影, 有時間再寫感受。

＊ 今日足足用左成仟蚊去買野, 不過都值得。

＊ 有好多好多喎, 有衫, 有耳環, 有belt, 仲有最緊要既係護膚品。

＊ 係呀, 我今個星期不停生暗瘡, 我已經覺得好厭倦, 我唔鍾意自己塊面紅色一撻撻, 好肉酸囉。

＊ YEAHHHHHHHHH! 我買了Lily Allen 的CD! 3年了, 等到頸都長。

＊ 究竟我張信用卡幾時批呢?

家有囍事2009

＊ 特登初年一選這套電影看, 笑餐飽。

＊ 如果你抱著很大期望入戲院看的話, 那sorry 了。

＊ "家有囍事2009" 和 "97家有囍事" 都不及92年那套好看好笑一萬倍。

＊ 其中一幕是重演92年周星馳在醫院裡做出他患「無定向喪心病狂間歇性全身機能失調症」所出現的徵狀, 古天樂演得很爛, 他根本比不上周星馳。

＊ 吳君如滿面油光加生鬚的樣子, 真的好恐怖。

＊ 最尾依舊全體演唱。

＊ OK啦呢套戲, 有些位係幾好笑既。

Born To Be A Witness Exhibition

趕緊在最後一天去看卓韻芝所辦的展覽, 排隊等入場等到嘔。唉, 明明都已經問過人什樣去, 我都可以走到舞雷公咁遠先知自己走錯路, 好可憐。

今日卓韻芝會進行導賞, 聽著她由初初一個經常說起的念頭但又實行不到, 到最後切切實實要進行的過程令我覺得就算你有一個小小的願望念頭也好, 只要肯去踏出第一步, 沒有事情是做不到的。期間卓韻芝不斷提著只要有夢想, 不要理會任何的事, 都要去實行, 雖然過程中可能會有難處, 但一切都會好的。

thank you g。

完

終於考完試, 不知道會唔會合格啊, 是但啦, 考完就不要再想著。

yeah 返埋聽日就放假!

又溫書

因為賴小姐有人探唔舒服, 所以取消了今天的溫書活動。哎呀, 我今日著得好rock (至少我認為是的), 她沒有機會看到了。

溫書變玩

原本呢, 我很有決心的去溫書, 所以相約到賴小姐家啦。嘩! 她一開電視真係呢, 收費台的電視節目好好看, 結果看了一整個下午, 期間肚餓又去吃了碗麵。

基本上今日都是沒有什樣的溫過書, 要等6點才的起心肝溫, 但溫不到一個鐘又要走, 好失敗。

我死硬喇。

又一次想打人

這天放工後跟同事去salon 焗油, 又是上次我染頭髮那間salon, 今次去令我皮脂醇上升幾千萬倍! 大哥啊! 只是焗油o者, 由3點多坐到7點先走得, 焗就只是用了半小時, 那其餘的時間做什麼呢!? 又把我遺忘了!!!!! 如果有機關槍的話我會亂槍掃射死那裡的人!

我發誓以後永遠就算世界只淨下那一間salon 我都不會再去光顧! WHAT THE FUCK!

又忙又閒

OK我說清楚一點, 早上的時候是比較忙, 但下午的時候就閒到想打人。

難得放假, 當然不會晨咁早爬起身啦。上陣網再查地圖便外出找學校, 兩間學校都好易找。去完最後一間學校打算乘剛剛那架巴士回家, 可是找來找去都找不到車站, 結果我走了好幾個車站的路程才找回剛才我所乘的巴士, 雖說今天冷, 但中午時份在太陽底下行咁大段路都咪話唔辛苦。

下午到尖沙咀找阿日傾談保險的東東, 之後自己一個閒逛。雖然正在進行大減價, 但件件衫都幾佰甚至過仟, 想搶錢咩! 唯有到starbucks邊坐邊等吳小姐放工。

晚上到旺角跟吳小姐行街街, 終於都買到了長褸了, 好感動。又, 我覺得那位sales 好可愛。今晚我直情痴了線, 不停地看看看, 行到腳軟, 留下友們自己一個先回家。

雜雜雜

OK 下個星期四便是數學考試, 我都還是不識死地未溫書! 到今天我才驚覺時間過得那麼快, 點算??????????!

++++++++++++++++++

晚上跟友外出食煲仔飯, 很久也沒有吃過了, 一人叫了一煲, 正正正! 是日經典是: 吳小姐不知做乜鬼又見唔舒服, 呢條友成日都同我說不是頭痛就胃痛, 好鬼煩, 你到底是不是有什麼暗病?

++++++++++++++++++

oh yeah! 明天放假! 原因是要幫細佬去遞中學入學表格, 現在選中學都跟我以前的年代不一樣了, 只可以選兩間, 3月又會有個什麼面試, 好複雜。但願他可以派到第一志願就好了。

神探伽俐略Suspect X

其實到這一刻我還搞不清楚到底電影版的名稱叫做什麼, 水蛇春長的名字我最怕記著。

打從電視版開始播放時我已經追看, 原因是我喜歡福山雅治和偵探式查案的劇種, 所以今次拍電影版我當然不會錯過。

劇情相信大家都略知一二, 我不多說了。好喜歡石神在戲中對花岡的愛, 一個簡單的微笑就可以救回一個快將自殺的人。其實愛很簡單, 在乎你什樣去看。有人為了愛人而不惜一切去保護她, 甚至殺人都可以。

今次內海薰的戲份不多, 主要都要圍繞著石神, 花岡和湯川學。中段略嫌沈悶, 到尾段由湯川學說出石神所做的一切的目的和石神說出花岡如何從死神關頭將他救回來都令我好感動, 我哭了兩次。

電影播放時間很久, 坐到我又腰骨痛, 加上坐我旁邊兩個八婆係咁講: "嘩! 做乜福山雅治個頭咁既, 電視入面個靚d 喎", "哎呀! 佢咁講一定有d 野", "點解仲未到我師弟"...煩到媽都唔認得! 得喇, 出到去先討論劇情可以嘛?!

考試

之前跟大家說過我的英文partner, 今天便是speaking考試。之前聽聞他於year 1 的speaking 考試由於表現不佳, 被監考老師強烈 (!) 要求他讀到滿意為止。結果全班被迫留到11時多才可放學離開, 我好驚!

雖然說好考完後立即跟老師上訴要重考, 但心情還是有點緊張。又雖然我真是沒有什樣的去溫書, 但我真的好緊張啊!

這晚我的partner 沒有回來考試, 老師把我跟另一位也是沒有partner 的同學編在一起。其實我有少少失望, 失望是因為他沒有膽量去面對這個考試, 他寧願選擇逃避也不肯面對, 真的好失望。雖然我跟新partner 只練了兩次, 但考試時都蠻順利, 出錯總會有, 不過我跟他真合得來, 早就應該抽我跟他成為partner 啦妖!

攝影拍

今日跟吳小姐去影相, 因為大小姐她想食McDonald's, 所以陪她到奧海城先, 然後呢, 她又好想影聖誕樹喎, 結果食完之後陪她影了很久, 真的很久, 其實等到我悶。

有隻蒼蠅啊!!!

終於影完聖誕樹加鴨仔後, 先出發到今日的目的地: 西九海濱長廊。沿路一邊影白痴相一邊欣賞明媚的風光 (其實只是花花草草和一些別人畫的畫)。

到了海濱長廊那邊冷好多, 因為近海邊又大風又冷, 真的有想死的感覺。亂拍一通後再到尖沙咀找P鴨去, 然後又乘車回荃灣吃晚飯。回到荃灣已經累死了................但我們都不是走了很多路, 總之就是很累。

要好好計劃下一次的行程!

記

iris妹妹做完今日又要離開我了, 她要為考試準備。一想到她走後我便很灰, 灰是因為沒有人幫我, 唉。

----------------------

之前說過老闆打算要幫我印咭片, 誰不知上星期同事又再提起此事, 結果今天咭片送到來。我是項目控制Controller, 好堅的名銜。

----------------------

今日好冷好冷好冷, 十萬個不願意上班。

新年新願望

2009年, 我希望

＊ 順利畢業, 我都不想做懶蟲。

＊ 依然想結識鬼人囉。

＊ 真真正正學一樣自己有興趣的東西, 說了好幾年, 今年一定要實現。

＊ 可以去上海未啊!?

＊ 再看多些電影。(這也算是願望嗎??????)

＊ 所有我認識的朋友仔身體健康, 身體好自然有拼勁做事 yeah!