吸收上次的經驗後我決定在船上不亂走, 靜靜的坐在一二面兼食定暈浪丸先, 結果今次我沒有暈船浪, 沒有面青口唇, 更加沒有嘔吐大作! 感覺良好! 反而有好些人暈船浪, 而我的暈浪丸有作為了!
遊艇在不知名的海上停下後我跟吳小姐便去更換泳衣, 因為自己不暗泳術, 所以在船上無聊左一陣便穿了救生衣下水隨便游游, 點知我自己就無啦啦浮走左, 愈浮愈遠, 最後阿冼游過來救我, 還被人取笑我剛剛在海裡穿了救生衣活像一個龜背, 爆無奈!
在船上跟朋友們聊聊天, 打打牌, 不懂游泳只好做這些, 吳小姐又去了玩wakeboard, 我便跟志文談了一會, 還不斷拿他的煙, 我相信他心裡已在不停地咒罵著我, 哈哈。
吃過午餐後便到沙灘玩了一會, 還無聊地自創些遊戲自娛, 別人看在眼中覺得好無聊, 但我們卻樂在其中。之後雨愈下愈大, 便坐快艇回遊艇上。
然後呢, 不知是誰'發明'了跳海(!), 男孩們都好興奮地跳完一次又一次, 吳小姐看到又湊熱鬧要玩, 可是她又要驚又要玩, 我相信已經叫左佢半個鐘都有, 都係唔肯跳, 好煩囉! 最後我沒好氣自己去洗身洗頭, 她就在我沖身時自己跳了下海, 見證唔到真可惜。
船駛回西貢時大家都不停地拍拍拍, 今次我沒有拍得太多, 因為都只顧著玩。雖然今天我沒有玩wakeboard, 香蕉船, 不過也蠻不錯啊, 難得放假跟朋友們出海, 好嘆!
晚餐到旺角Pizza Hut 吃, 食飽飽便回家了, 好累好累。
原本我和阿寶想'攝'鏡, 點知影得我半邊面。
男孩們今天的有趣遊戲。
玩緊'摸鼻哥', 我係第二個玩得差, 哈哈哈。
OK! 有時必須承認單鏡反光相機點解咁q 貴, 我用我部數碼相機想影個太陽, 但其實係影唔到架囉。
吳小姐今天的上衣在碼頭跟一個不知名女仔撞衫, 我個人認為吳小姐著得好睇過佢囉。
救我的阿冼。
