睇牙醫 (一)

雖然已經老早約了星期六去看牙醫, 但因為昨天痛到我喊 (對! 我又喊左, 仲要好激動咁喊), 所以聽取老闆娘的意見, 唔理三七廿一等今朝診所開門便衝到診所去, 再一次證明打尖係得架囉! 不過由於還未吃早餐, 所以先到茶餐廳吃早餐。期間電視直播珠穆朗瑪峰傳送聖火的情況, 當時茶餐廳內客人不多, 不過每個人都說在珠穆朗瑪峰傳送聖火簡直係攞苦黎辛, 可是能夠在全世界的頂峰傳聖火是一件很光榮很自豪的事啊! 誰說傳聖火一定要在平地, 沙灘, 龍舟等等的地方才算正常?

吃過早餐後便回到診所, 牙醫替我檢查過後說我的大牙已經發炎, 要盡快杜牙根。然後他替我打了一支麻醉針後便叫我外出等麻醉藥散去。

等了好久才入去開始杜牙根, 雖然四個月前已經杜過一次, 不過依然好怕囉, 而且今次比上次還要痛十萬倍, 因為實在太嚴重了。牙醫說如果我覺得痛便遞起左手, 然後當他替我杜牙根時我卻想起羅文的'前程錦繡'和'獅子山下'這兩首歌, 而且我心裡還不斷唱出 '小小苦楚等於激勵 等於苦海翻細浪藉著毅力 恃我志氣 總要步步前望...', 咩事呢究竟???! 到我忍不了痛便遞起了左手, 我還以為他說: 好啦, 休息一會再杜過之類的說話。點知竟然叫我忍多陣, 我痛到眼水都流埋, 他還要對我說差一條神經線便完成, 啊!! 你不要說出過程, 只要弄好便行, 我會覺得很嘔心的。

幾經辛苦(!)終於杜完一次, 出了手術房(?)後聽到有一兩個人在說: 乜咁耐架, 等左半個鐘都有喇........(下刪幾十字)。然後我想如果我對他們說因為我打尖所以先咁耐, 不知後果如何呢? 我想必定被人亂拳嘔打致死(!)。

拿了藥便上班, 媽媽說既然痛就不要上班, 可是敬業樂業(!)的我絕不會因為小小痛楚就不上班囉 (OK 不要打我)。

這次的麻煩藥好厲害, 兩三個小時才散, 而回到公司後我的舌頭又因麻煩藥的關係而腫了, 結果說話時因為舌頭頂著門牙所以變成'痴脷根'! 我的好同事還學我說話哩, 真係想打佢!