難忘的一夜

晚上又跟朋友們去clubbing, 這次我絕也不再到Club Magazine, 商量後先到酒吧聊天飲酒, 不過飲到一半還未有便急急腳到Sugar 會合吳小姐的妹妹 - 吳小妹和她的朋友們。

第一次到Sugar, 好多人, 音樂好, DJ正, 無得頂!

總括來說今晚發生了幾件難忘事:

1) 跳了一會兒舞便跟劉小姐和吳小姐外出呼吸新鮮空氣, 途中殺出一個鬼仔出來, 談了一會劉小姐便跟佬走!
2) 我變了豪放女。場內的那個男孩係咁磨我, 搞興我囉咩事! (OK! 我也是一個正常的女孩)
3) 臨走之際吳小姐見頭暈, 扶著她走時我在幾級樓梯上跌倒, 為何跌的不是她而是我? 暈的是她哦! 結果惹來外面的十幾個人望著我, 很丟臉耶...
4) 吳小姐突如其來的情緒變化令我有點措手不及, 途中分別有印度男人 (因為他對我說謝謝時雙手合十, 應該係印度人喇卦!? 雖然個樣唔似。) 問好+問路 (好彩公司有幫Lan Kwai Fong Hotel 做過工程, 唔係真係唔知間酒店o係邊!); 兩個排骨男孩問好和兩個精壯又幾靚仔既警察問好, 但其中一個問我和吳小姐幾歲囉, 有咩意思既呢?! 又問使唔使幫我地截的士, 問左兩次喇, 有心!
5) 劉小姐回來找我們時竟然拖! 住! 個! 鬼! 仔! 呆了!

然後沒事的我和劉小姐陪同兩位有事的吳小姐 (呆了) 和鬼仔 (飲醉) 上的士到旺角去, 原來鬼仔住在清水灣裡的科技大學, 不過當時送不到他回宿舍, 所以索性帶埋佢上車。

到旺角後先送吳小姐乘車回家, 然後我獨自去找尋劉小姐和鬼仔身處的公廁 (他們只是到公廁洗面和抹乾淨身上的嘔吐物, 不要心邪!), 本來我想上廁所的, 但發現原來要上幾層樓梯, 加上不知會不會有變態佬或是什麼強姦犯正在等候獵物, 我可不想當他們的獵物啊! 所以上了一層樓梯後便急步走回地下去, 好驚! 然後我便到乘車回家去, 返屋企先上廁所!